Lars Moa

Lars Moa (f. 1947) bur i Stjørdal. Han har vore gjendiktar/omsettar av færøysk litteratur frå 2003, og Orkana har gitt ut tre av hans omsettingar: diktsamlingane Sting (2003) og Det fins dei som tar månelys på alvor (2008) av Jóanes Nielsen, og romanen Ikkje før da (2021) av Oddfríður Marni Rasmussen.

Moa er utdanna adjunkt med allmennlærarutdanning frå Nesna off. lærarskole og med grunnfag i nordisk (Trondheim) og engelsk (Newcastle upon Tyne).

Han har vore lærar i ungdomsskolen frå 1970 til 2009. Moa var på kortlista til Bastianprisen i 2014 og Kritikarprisen i 2007. Han fekk Noregs Mållags Målblom i 2007, Alfred Andersson-Rysts pris i 2011 og Trøndersk målpris i 2020.

Foto: Roar A. Fordal